አገልግሎቶቻችን የአገልግሎት ተጠቃሚዎች ማኅበራችን ድጋፍ ለሚፈልጉ ወንድሞች እና እህቶች ሁሉ አገልግሎቱን ያለምንም አድልዎና ልዩነት ያደርሳል። ይሁን እንጂ ካለበት የአቅም ውስንነት ጋር በተያያዘ በተለይ ለአእምሮ ህሙማን፣ ለአካል ጉዳተኞች፣ ለአረጋውያን ፣ እንዲሁም ለአቅመ ደካማ የገዳም አባቶችና እናቶች ቅድሚያ እየሰጠ ይገኛል። የምርት አገልግሎት ማኅበራችን በእረጅም ጊዜ ዕቅድ የምግብ ማቀነባበሪያ፣ የግንባታ፣ የአልባሳትና መጫሚያ ፣ የሕክምና ግብዓት የማረሚያ ቤት ስራ ፈጠራ ላይ የሚሰሩ ድርጅቶችን ለማቋቋም ያለውን ዓላማ እውን ለማድረግ በአሁኑ ወቅት የምግብ ማቀነባበሪያ እና የግንባታ እና ኤንጂነሪንግ ድርጅቶቹን ለማቋቋም የቅድመ ጥናቶችን እያደረገ ይገኛል።