የማርያም ማዕድ ማኅበር በ2015 ሚያዝያ ወር በአራት በጎ አድራጊዎች እና በሶስት ድጋፍ ፈላጊ ወንድም እና እህቶች ተጀመረ ። የማኅበራችን የአባላት ቁጥር በ7 ወራት ውስጥ (ከሚያዝያ 2015 እስከ ኅዳር 30 2016) ከ 4 ወደ 84 አድጓል። የገንዘብ መዋጮ የማኅበራችን ወርሃዊ የገንዘብ ወርሃዊ መዋጮ ባለፉት 5 ወራት ውስጥ ከ 5000.0 ወደ 84,850.00 የኢትዮጵያ ብር አድጓል። የማርያም ማዕድ ማኅበር አገልግሎቶች በሚያዝያ 2015 ወር በሽንቁሩ ደብረ መድሐኒት ቅዱስ ሚካኤል ቤተ ክርስትያን የተጀመረ ሲሆን በሐምሌ 2015 ደብረ ምጥማቅ ጻድቃኔ ቅድስት ማርያም ገዳምን፤ እንዲሁም በጥቅምት 2016 በአክሱም ፅዮን ርዕሰ አድባራት ቅድስተ ቅዱሳን ድንግል ማርያም ፅዮን ቤተ ክርስትያንን፣ አካትቶ በሶስት ስፍራዎች ይሰጣል። በመሆኑም በአሁኑ ውቅት፦ በሽንቁሩ ደብረ መድሐኒት ቅዱስ ሚካኤል ለአርባ ተጠቃሚዎች በማርያም ማዕድ ቤት በየቀኑ ነጻ የበሰለ ምግብ ያቀርባል። በደብረ ምጥማቅ ጻድቃኔ ቅድስት ማርያም ገዳም የምግብ ባንክ በመክፈት አራት ኪሎ የበሶ ዱቈትና ሁለት ኪሎ ስኳር በነጻ ለሀምሳ ተጠቃሚዎቸ በየወሩ ያቀርባል። በአክሱም ፅዮን ቅድስተ ቅዱሳን ድንግል ማርያም ፅዮን ቤተ ክርስትያን ከሕዳር 11 2016 ጀምሮ በአክሱም ፅዮን ቅድስተ ቅዱሳን ድንግል ማርያም ፅዮን ቤተ ክርስትያን ለሀያ ገዳማውያን በየቀኑ ነጻ የበሰለ ምግብ ያቀርባል።